Friday, September 23, 2011

"သတိ..ဧရာဝတီ… ကာကွယ်ရန်တာဝန်ရှိသည်။"

မြစ်ဧရာနဒီကျော စုန်ဆန်မျောခဲ့… စိတ်ဝိဉာဉ်!
အသက်ရှုတိုင်းမှာ ဧရာကပေးတဲ့အားတွေပါပဲ!
ပြည်မြန်မာမှာ မွေးဖွားလူဖြစ်
အားလုံးသော ရပ်တည်ဖြစ်တည်မှုတိုင်း
သူပေးတဲ့ခွန် သူပေးတဲ့အား..
သူ့အဆီအနှစ်နဲ့ ကင်းမရနိုင်ပါဘူး…

ဟင့် … မဆိုင်ဘူးလို့ မတွေးလိုက်နဲ့
နင့်ရပ်တည်မှု ကျေးဇူးမဲ့သွားမယ်!
ရင်ထဲမှာ စွဲကာမှတ်ကြကွယ့်……….ကျေးမစွပ်ကြနဲ့ ။      ။
အရိပ်
12:55 pm
23.09.2011

Thursday, September 22, 2011

ဇာတ်ခုံ


-       တကယ်ဆို ဖန်တီးမှုတစ်ခုအတွက် ပေးဆပ်မှုတွေရှိရသလို ရလဒ်ကောင်းတွေရှိဘို့လိုတယ် !
-       တကယ်ဆို တမ်းတရမှုတွေရှိနေရင်လည်း တွေ့ဆုံခြင်းက ရလဒ်ဖြစ်သင့်တယ် !
-       တကယ်တော့ စိတ်ကူး မျှော်လင့် တမ်းတမိခြင်းနဲ့ လက်တွေ့ဘဝမှာ တစ်ထပ်တည်းကျလောက်အောင်က ပဒေသာပင်သီးတဲ့ခေတ်မှာ လူလာဖြစ်တာမှ မဟုတ်တာ !
အဲ့ဒါတွေကြောင့်ပဲ… စိတ်ကူးယဉ်ကြရတာက သုခ
လက်တွေ့က ဒုက္ခတွေနဲ့
အမှားကို အမှန်ပြလို့
တလွဲတွေ ဆံပင်ကောင်း ပြောင်းခဲ့ရ !
ထွေခင်းရာ ဒိုးကျလို့
ပွဲစပြီဟေ့
အလှည့်ကျတော့ မနွဲ့စတမ်းရယ်လို့
ဝင်ကရ အခါခါ
သြော်…...................                            မြေမကျမီ မချနိုင်မာန်တွေကြောင့်ပေါ့
ငြိတွယ်ခြင်း ပိုက်ကွန်စိပ်လာတော့ မောရပေါ့ ဘဝအလီလီ !

အရိပ်
22.09.2011
11:35 am

Tuesday, September 6, 2011

"လူမိုက်ရွေးတဲ့လမ်း"

"လူမိုက်ရွေးတဲ့လမ်း"

မိုက်မဲတဲ့လက်တွေလို့  ညဉ်းတွားမိခဲ့တယ်

ပိုပြီးမိုက်မဲတဲ့ တခြားအတွေးတွေသွင်းမရတဲ့ ငါ့စိတ်တွေ!

ဘယ်လိုပဲ ချုပ်ထိန်း ချုပ်ထိန်း ထိန်းမနိုင် သိမ်းမရခဲ့

ပြုပြီးမှရတဲ့ ငါ့နောင်တ!

ဘဝတစ်ခုမှာ ဘယ်သူ့ကိုမှ အရင်းအနှီး မပြုရက်ခဲ့တော့
ရခဲ့ပေါ့ ဒဏ်ချက်တွေ အခါခါ!
ဘယ်သူကမှ ရွေးခိုင်းခဲ့တာ မဟုတ်ပါဘူး ဒီလမ်းမပေါ်
အဆုံးဆိုတာ ဟိုးအဝေးမှာလို့ယူဆရင်း
မြင်နေရတဲ့ မိုးကုပ်စက်ဝိုင်း
အဆုံးမရောက်ခင်တော့ လမ်းဆုံမှာ ပြန်ဆုံချင်မိသေးတယ်
ချစ်သူ.. မင်း လာရဲမလား!

အရိပ်
9:15 am
07.09.2011